Մեր մասին

Luseen Technologies ՏՏ զարգացման հիմնադրամը իր գործունեությունը սկսկել է 2015թ․-ին Գեղարքունիքի մարզում։
Հիմնադրամի առաքելությունն է վերահիմնադրել բարձր տեխնոլոգիաները Գեղարքունիքի մարզում՝ նպաստելով տարածաշրջանի և ՏՏ ոլորտի կայուն զարգացմանը։
Հիմնադրամի ստեղծման նախաձեռնողները և հիմնադիրներն են
ֆիզ. մաթ գիտությունների թեկնածու Արմեն Խաչատրյանը,
տեխնիկական գիտությունների թեկնածու Վարազդատ Ավետիսյանը,
ծրագրավորող Արտակ Դռնոյանը:

Հիմնադրամը

կազմակերպում է ՏՏ ճամբարներ, համայնքային հանդիպումներ, ՏՏ ֆորումներ, քննարկումներ, ծրագրավորման մրցույթներ, հեքեթոնյան փառատոներ, տարբեր ՏՏ ոլորտի կառույցների ներկայացուցիչների փոխայցելություններ և այլն,
իրականացնում է ՏՏ և հարակից ոլորտների վերաբերյալ դասընթացներ,
նախաձեռնում է ՏՏ թիմերի և ստարտափերի ձևավորմանն ու զարգացմանն ուղղված ծրագրեր,
մատուցում է ծառայություններ բարձրագույն տեխնոլոգիաների ոլորտում՝ ծրագրային արտադրանքների թողարկում, ծրագրային ապահովում, խորհրդատվություն և այլն:

Կենտրոնի գործունեության արդյունքում՝

Երիտասարդներին տրվել է հնարավորություն մասնակցելու անվճար ծրագրավորման դասընթացների։
Վերապատրաստման դասընթաց անցած մասնակիցներից ձևավորվել են թիմեր, որոնք աշխատում են իրական նախագծերի վրա։
2017թ.-ին ձևավորվել և ներկայումս կենտրոնում գործում է «Luseen Mobile» ընկերությունը, որը մատուցում է ծրագրավորման ծառայություններ և հանդիսանում է Գեղարքունիքի մարզում առաջին ՏՏ ընկերությունը։
Գավառում մասնաճյուղ է հիմնել «AddonsLab» ՏՏ ընկերությունը, որը թույլ է տալիս երիտասարդներին առցանց աշխատել ՏՏ ոլորտում։
Մեկնարկել է «Luseen Talk» նախագիծը, որի շրջանակներում ՏՏ ոլորտում կայացած կազմակերպությունների, մասնագետների կողմից Գավառում անցկացվում են վարպետաց դասեր, սեմինարներ, բաց-հանդիպումներ, քննարկումներ։
Մեկնարկել են «Luseen Trainings» ՏՏ դասընթացները՝ ծրագրավորման տարբեր լեզուների և տեխնոլոգիաների վերաբերյալ։