Նկարագիր
Դասընթացը նվիրված է ամենահայտնի օբյեկտ կողմնորոշված ծրագրավորման լեզվի՝ Java-ի ուսումնասիրությանը։ Java լեզուն օգտագործվում է մոբայլ հավելվածների, սերվերային ծրագրերի, կիրառական ծրագրային ապահովումների, web կայքերի ստեղծման համար։ Java լեզվով ստեղծված ծրագրերը բազմապլատֆորմ են ՝ հաջողությամբ աշխատում են տարբեր համակարգիչների վրա ՝ անկախ դրանց ճարտարապետությունից։
Դասընթացի նպատակն է սովորեցնել Java լեզվով օբյեկ-կողմնորոշված ծրագրավորում։ Ներկայացվում են Java լեզվի առանձնահատկությունները, շարահյուսությունը, Java լեզվով ծրագրային կոդ գրելու սկզբունքները , ծրագրավորման միջավայրում աշխատելու հիմունքները, պարզ ալգորիթմների հիման վրա ծրագրերի մշակումը։ Ուսումնասիրվում են օբյեկտ կողմնորոշված ծրագրավորման (OOD) առանձնահատկությունները, սկզբունքները, մոդելավորելու, UML դիագրամաներ կազմելու հիմունքները, UML դիագրամաների հիման վրա ծրագրերի մշակման սկզբունքները, Java լեզվով օբյեկտ կողմնորոշված ծրագրավորելու հնարավորությունները և կիրառությունը։
Դասընթացի ուսումնասիրման արդյունքում մասնակիցը կկարողանա.
- Հասկանալ Java տեխնոլոգիայի էությունը,
- Կիրառել լեզվի փոփոխականների տիպերը և օպերատորները,
- Մշակել ճյուղավորված և ցիկլային ալգորիթմներով ծրագրեր,
- Աշխատել զանգվածների հետ ,
- Ստեղծել մեթոդներ,
- Աշխատել սիմվոլային տիպի (string) փոփոխականների հետ։
- Հասկանալ օբյեկտ կողմնորոշված ծրագրավորման էությունը,
- Ծրագիրը մոդելավորել UML դիագրամաների տեսքով,
- Կիրառել Java լեզվում ժառանգման, ինկապսուլյացիայի, պոլիմորֆիզմի, աբստրակցիայի հնարավորությունները,
- Մշակել օբյեկտ կողմնորոշված ծրագրավորման սկզբունքներով Java ծրագրեր,
- Աշխատել ֆայլային համակարգի հետ։
Մշակել բացառիկ իրադրություններ (exceptions)։
